freie Trau-Zeremonie mit Gesang

Liebe Jasmin

Wir denken seit unserer Trauung beinahe täglich an unser wunderschönes Hochzeitsfest zurück! Es war alles traumhaft und es hätte nicht schöner sein können.

Du hast das so toll gemacht und Deine Worte bzw. Deine Trauung hat nicht nur uns als Brautpaar berührt sondern auch unsere Gäste. Wir haben ganz viele Komplimente bekommen, welche wir an dieser Stelle gerne an Dich weitergeben!

Danke Dir vielmals, dass Du mit Deiner wunderschönen Trauungszeremonie für uns so zu unserem schönsten Tag beigetragen hast.

Ganz en liebe Gruess

Nina & Gio

Abendunterhaltung mit DJ und live Gesang

Dankä Jasmin und Patrick

für diä super toll Abendunterhaltig a eusem Hochziit.

Wunderschön gsii u natürlech Dini Stimm isch de hammer.

Überraschig für min Maa isch mega glungä, er het vo gar nüt gwüsst-hihi :-)

u selbst de Ed Sheeran wär niedisch, eifach perfekt.

Merci viel mol. Witer so und cha euch Dreamteam nur witerempfähle.

Joli & Guido

live Gesang zum Abschied

Jasmin hat mit ihrem sonnigen Wesen und ihrer grandiosen Stimme für einen wunderschönen und würdigen Rahmen bei der Abdankung für meine Mami gesorgt! So konnten wir die Kirche mit einem friedvollen Gefühl verlassen!

Wenn alle Anwesenden am Schluss Beifall klatschen, sagt das doch wohl sehr viel über Jasmins Gesang aus...! Vielen herzlichen Dank

Eric & Bea

freie Trau-Zeremonie mit Gesang

Liebi Jasmin,

Wow! was für en Tag wo mir hend dörfe erläbe

und das au weg dinere lustige und gliichzitig bewegende Troured!

Mir wend eus herzlich be der bedanke für die tolli Trauuig wo du für eus gmacht hesch, es isch perfekt gsii. Mir hend de moment chönne voll gnüsse, hend chönne lache und es het meh wie eimal es Gänsehutfeeling gäh, so wies mir eus vorgstellt hend.Mir sind froh, bisch du bi eusere Hochzyt debi gsi!

DANKE vilmal für dini Wort und din Gsang, mir dänked immer wieder sehr gärn zrug.

Chantal & Dieter

freie Trau-Zeremonie

Liebi Jasmin,
danke, dass Du üsi Trouig zumne unvergässliche Erläbnis gmacht hesch. Du hesch üs mit dire Troured emotional sehr berüehrt und o erheiteret. Es isch perfekt uf üs abgschtumme gsi, so richtig massgschniideret :-) Für üs isch es genau so gsi wie mir üs das gwünscht hei und die intensivi Voirbereitig het sich glohnt. Dini Art und dis Wäse het aui begeischteret.
Dis schöne Bild vom Buckelwal, üsem Symbol, isch es wunderschöns Erinnerigsstück.

MERCI TUUUSIG

Isabelle & Andreas

freie Trauung mit Gesang

Liebi Jasmin

Wir möchten uns nochmals von ganzen Herzen für die wundervoll gestaltete Zeremonie unserer Hochzeit bedanken. Deine liebevollen Worte und Deine schöne Stimme, haben uns alle verzaubert.

Du hast unseren Tag unvergesslich gemacht und dafür sind wir dir auf ewig dankbar ❤️
Alles alles Liebe und Gute

Manuela und Andi

freie Trauung

Liebi Jasmin
Mer hend di a eusere Trauuig letzt Fritig als Traurednerin dörfe ha. Mer wette der vo ganzem Härze defür danke! Du hesch e sehr grosse Teil dezue biitreit dass es e unvergässlechi, wunderschöni und lustigi Trauuig gsi isch, DANKE!
Ou eusi Gäst si hell begeisteret gsi vo der. Mach genau so wiiter und i empfiehle di auso vo Härze gärn wiiter, TOP!

Liebe Gruess Möne und Stef

freie Trauung mit Gesang

Liebi Jasmin.

Letscht Samschtig hei mir üsi Hochzyt dörfe fiire. Du hesch derzu bitreit, dass dä Tag für üs perfekt worde isch.

Viu vo üsne Gescht hei gmeint, das mir üs scho lang kennä. Du hesch üsi Gschicht so verzeut, wie du wärsch derbi gsi. Üsi Trouig isch romantisch, luschtig und berührend gsi.

freie Trauung mit Gesang
Liebi Jasmin


Äs isch unbeschrieblech gsi und das nid numä wäge däm herrleche Wätter, de beschte Trouzüge, dä liebschtä Gescht u Gaschtgäber sonder ou wäge DIR. Dini Wort, Di Stimm, Dini Lieder eifach DU - Du hesch's gschafft, dass sogar dr Christoph Träne i de Ouge het gha.

I gloube, vü Hühnerhut isch niemer bewahrt blibe.

Dini Stimm...scho bim 1. Telefongspräch isch sie mir tief is Härz und sie het mi ungloublech berüehrt. Und i ha gwüsst, DU bisch die Richtigi. Wie Du üsi Gschicht verpackt hesch...emotional, witzig und mit viu viu Härz. Aui hei gspannt zueglost u äs si o bi de Gäscht vili Träne gflosse.

A aui wo dr schönscht Tag im Läbe plane...d'Jasmin darf nid fähle! Sie macht aues mit ganz viu Härzbluet und Engagement.
Ganz liebi Grüess Sandra & Christoph

freie Trauung mit Gesang
Liebi Jasmin

Wir möchten uns bei dir ganz ganz herzlich bedanken für deine wunderbare, witzige, ergreifende, emotionale und einfach einzigartige Trau Zeremonie, die du einfach mehr als nur perfekt auf uns abgestimmt hast. Kein Auge blieb trocken, die Lachmuskeln hatten allerlei zu tun, die Leute waren in deinem Bann und dein Gesang ging allen unter die Haut. Wir durften vielen vielen Komplimenten lauschen über deine Zeremonie. Alle haben es super gefunden, dass sie alles andere als 08/15 war.

Du hast uns alle damit verzaubert und begeistert. Nochmals ganz herzlichen Dank für deine tolle Arbeit. Wir können dich allen, die noch heiraten möchten, nur im positivsten Sinne weiter empfehlen.
Grüessli Ramona & Luca

Gesang zur Taufe
Liebi Jasmin

Iz ha ig vori ds Video gluegt vor Toufi u mir si scho wieder gad Träne cho bi dim Gsang. Du hesch ä wunderschöni Stimm wo eim jedesmau zu Hühnerhut verleit. Aui üsi si geschter räschtlos begeischtered gsi vo Dir. Danke no einisch tuusig mau für die Hühnerhut Momänte.
Grüessli Marina, Patrick, Elias

Gesang zur Trauung, Apéro und Abend mit DJ
D'Jasmin het üseri Kirchlichi Trauuig no emotionaler gmacht, als sie scho gis isch. Es het eifach alles passt. Es sind all begeisteret gsi vo Ihre.
Au am Apéro het sie eus musikalisch unterstützt und d Stimmig isch nie bergab.
Am Abig am Fescht simer froh gsi, sie und au ihre Kolleg de DJ Patrick engagiert zha. Es isch eifach alles perfekt gsi. D Stimmig und alles hend die beide grockt.
Mir möchtet Eus bi ihre recht herzlech bedanke. Und eis isch für üs klar - wenn mir nomol öppis z fiirä hend, wie Taufi vo eusne zuekünftige Kinde, denn wird sie sicher wieder agfragt zum singe.
Liebi Grüess Ladina & Daniel

Freie Trauung und Gesang
Liebi Jasmin
Dini Trouig esch eifach de Hammer gsi. Vom erschte Gspröch beni mer secher gsi, dass da guet chonnt ond ha s'totale Vertroue gha!
Dini Musig esch so ifüehlsam gsi, dass mer trotz de Hitz Hüehnerhuut becho het! Dini Wort hätte ned passender chönne sii. Bereits d' Standesbeamtin am Morge het öber s'Reise ond di gmeinsami Reis gred ond es het sech wie en rote Fade dor de ganzi Tag zoge.
Was i ned emol rechtig met becho ha esch, dass Du de Ossama tatsächlech zom brüele brocht hesch! Das esch wörkli schwerig ond das zeigt, dass Du ehn genau am rechtige Ort troffe hesch. Er esch total begeischteret.
S'Schönschte Komplimänt aber send d'Gäscht ond grad die wo eus weniger guet kenne. Es händ alli gmeint, dass du en Fröndin besch vo eus. Dini Internetsiite hani es paar mol scho wiiter geh ond i cha de auso nome wärmschtens empfähle.
Die Gäscht wo e kei Düütsch händ chönne, händ leider nome d'Emotione metbecho, aber au die send begeischteret gsi vo Dim Gsang.
De einzigi Fehler wo mer gmacht händ a dem Tag esch de gsii, dass mer De ned au för de Obe buechet händ. De DJ het nämli nid so passt, ond mer sind secher, dass mer met Der au i dem Ponkt en Vollträffer glandet hätte.
Danke. Andrea und Ossama

Freie Trauung und Gesang
Liebi Jasmin
Merci viu mau für Dini schöni Trauigszeremonie mitem Gsang. Du hesch das so schön gmacht eifach wunderschön. Mir chömmä nümme usem schwärme usä. Ou d‘Lieder wo Du gsungä hesch am Nami und am Abä bim Ässe isch eifach perfekt gsi.
Du bisch üsi Krönig gsi a üsem Hochzyt. Dis Wäsä, Dini Art, Dini Stimm hett aues no viu schöner u romantischer gmacht. Eifach super. Mir si soooo glückläch das mir Di hei derbi gha u dörfä kennelehrä. Ou aui Gescht kömmä nüme usem schwärme usä.

Bi jedem Hochzyt oder ou jedem Fescht wo Du nid chaisch derbi si wird öppis fähle.
Äs liebs Müntschi Franziska Ilona u Philipp